Մարզպետերն անխտիր կփոխվեն. նախարար

Այսօր` մինչ կառավարության նիստի մեկնարկը, լրագրողները տարածքային կառավարման և զարգացման նախարար Սուրեն Պապիկյանից հետաքրքրվեցին, թե ինչո՞ւ վարչապետի հայտարարությունից հետո մինչ այս պահը հրաժարական ներկայացրած մարզպետեր չկան:

Հիշեցնենք, որ ավելի վաղ վարչապետ Նիկոլ Փաշինյանը լրագրողների հետ զրույցում հայտարարել էր, որ բոլոր մարզպետերը փոխվելու են:

Տարածքային կառավարման և զարգացման նախարար Սուրեն Պապիկյանը կարծիք հայտնեց, որ մարզպետերը պետք է համակերպվեն մի վիճակի հետ, որը դե յուրե ամրագրված է: Նա ևս հայտարարեց. «Բոլոր մարզպետերն անխտիր կփոխվեն»:

Հարցին, թե արդյո՞ք նոր նշանակվող մարզպետերի թվում կլինեն ներկայացուցիչներ ՀՅԴ-ից ու ԲՀԿ-ից, նախարարը պատասխանեց, որ այս պահին դեռ որոշում չկա: