Օտար արժույթով մի փոխանակեք ձեր սեփական լիրաները. Էրդողանը` թուրքերին

Թուրքական լիրայի արժեզրկումն անհանգստություն է առաջացրել  Թուրքիայի կառավարությունում։

Ըստ Demokrathaber-ի` վերջին շրջանում դոլարի և եվրոյի նկատմամբ անընդհատ անկումներ գրանցող թուրքական լիրան մայիսի 21-ին պատմական ռեկորդ է գրանցել։  

Անդրադառնալով հարցին`Թուրքիայի նախագահ Ռեջեփ Թայիփ Էրդողանը հայտարարել է, որ նման իրավիճակը ժամանակավոր է, և ամեն ինչ վերահսկողության տակ է։

«Դիմում եմ իմ ժողովրդին, խնդրում եմ, օտար արժույթով մի փոխանակեք ձեր սեփական լիրաները: Շարունակեք կիրառել ազգային արժույթը։ Սա է իսկական ազգասիրությունը և հայրենասիրությունը։  Եթե մենք այդպես անենք,  մեզ համար ավելի լավ կլինի»,- ասել է նա։