ՌԴ Պետդուման պահանջել է ազատ արձակել Ուկրաինայում ձերբակալված ռուս լրագրողին

ՌԴ Պետդուման լիագումար նիստում հայտարարություն է  ընդունել, որում պահանջում է ազատ արձակել Ուկրաինայում ձերբակալված РИА Новости պորտալի ղեկավար Կիրիլ Վիշինսկիին. հայտնում է РИА Новости-ն:

Օրեր առաջ Ուկրաինայի Անվտանգության ծառայության աշխատակիցները ներխուժել էին РИА Новости-ի կիևյան գրասենյակ և խուզարկություն իրականացրել: Ուկրաինայի անվտանգության ծառայությունը հայտարարել էր, որ հետաքննություն է իրականացնում` կապված մեդիակառույցների հետ,  որոնք գտնվում են ՌԴ-ի վերահսկողության տակ: Իրավապահները պարզել են, որ դրանք օգտագործվել են Ուկրաինայի դեմ հիբրիդային տեղեկատվական պատերազմի շրջանակում: Բացի այդ` ձերբակալվել է РИА Новости Украина-ի ղեկավար Կիրիլ Վիշինսկին, որին կասկածում են Դոնբասի ինքնահռչակ հանրապետությանն աջակցելու և պետական դավաճանության մեջ: