Եթե որևէ մեկն ակնկալում է, որ պետք է մտնեմ, ՔԿՀ-ների դռները բացեմ, ճիշտ մոտեցում չէ. Փաշինյան

Եթե որևէ մեկն ակնկալում է, որ ես պետք է մտնեմ, քրեակատարական հիմնարկների դռները բացեմ, դա ճիշտ մոտեցում չէ. այսօր կառավարության շենքի մոտ լրագրողների հետ ճեպազրույցում ասաց ՀՀ վարչապետ Նիկոլ Փաշինյանը` անդրադառնալով «Սասնա ծռեր»-ին ազատ արձակելու և այդ պահանջով փողոցները փակելու հարցին:

«Կան ընթացակարգեր, կան մարմիններ, որոնք բոլոր հարցերը կլուծեն»,- ասաց նա`  միաժամանակ նշելով, որ պետք է հստակ ձևակերպվի, թե ում դեմ է արվում այդ ամենը: «Ցանկացած ակցիա, որ արվում է, ամենավատն այն է, երբ ձևակերպված չէ, թե ում դեմ է այն արվում»,- հավելեց վարչապետը` միաժամանակ շեշտելով հանրային համերաշխության վերաբերյալ իր մոտեցումը: