«Մերժում ենք Տարոնին» խմբի անդամները ներխուժեցին քաղաքապետարան

«Մերժում ենք Տարոնին» բողոքի ակցիայի մասնակիցները, ովքեր այսօր քաղաքապետարանի առջև էին հավաքվել, քիչ առաջ ներխուժեցին քաղաքապետարանի շենք: Նրանք վանկարկում են «Տարո'ն, հեռացի'ր»:

Այս պահին քաղաքապետարանի ներսում՝ անցակետի մոտ, լարված իրավիճակ է: Այստեղ էլ հավաքվել են մի խումբ քաղաքացիներ, ովքեր փորձում են ներս մտնել, սակայն տեղի անվտանգության աշխատակիցները չեն թույլատրում նրանց առաջանալ: Նրանք ուզում են հանդիպել քաղաքապետի հետ:

Բողոքի ակցիայի մասնակիցները, բացի քաղաքապետի հրաժարականից, ցանկանում են պարզաբանում ստանալ Շահումյան հրապարակի հարակից տարածքում գտնվող այգու քանդման վերաբերյալ: 

Ի դեպ, անվտանգության աշխատակիցներից մեկը նշեց, որ քաղաքապետն այս պահին տեղում չէ: