Փաշինյանն իր աշխատասենյակում` Բաղրամյան 26-ում

Քիչ առաջ նորընտիր վարչապետ Նիկոլ Փաշինյանը ֆեյսբուքյան ուղիղ միացմամբ տեղեկացրեց, որ գտնվում է Բաղրամյան 26-ում, որը ՀՀ վարչապետի երկու նստավայրերից մեկն է, իսկ մինչև վերջերս այն եղել է ՀՀ նախագահների նստավայրը: Նա տեղեկացրեց, որ հանդիպել է ՊԵԿ նախագահի հետ և հստակ հանձնարարական է տվել:

«Այս պահից սկսած որևէ ապրանքի մուտք ՀՀ չի կարող սահմանափակվել: Հանձնարարել եմ, որ այսօրվանից սկսած մաքսազերծումները իրականացվեն հնարավորինս կարճ, ռեկորդայւին կարճ ժամանակահատվածում»,- ասաց նա` հավելելով, որ եթե քաղաքացիները կնկատեն մաքսազերծման գործընթացում հակառակ պրոցեսը, թող ահազանգեն կամ իր թիմի անդամներին, կամ լրատվամիջոցներին:

Նա նշեց, որ քիչ անց կհանդիպի նաև փոխվարչապետ Վաչե Գաբրիելյանի հետ`քննարկելու Սոչիում կայանալիք ԵԱՏՄ գագաթաժողովի մասնակցությանը վերաբերող հարցերը: