Դրամատիկ ու լարված պայքար. «Ռեալ»-ը ՉԼ կիսաեզրափակչում է

Չեմպիոնների լիգայի քառորդ եզրափակչի պատասխան խաղում Մադրիդի  «Ռեալ»-ը սեփական հարկի տակ 1:3 հաշվով պարտվեց «Յուվենտուս»-ին, սակայն դուրս եկավ հաջորդ փուլ: Հանդիպումն անցավ անհավանական գերլարված պայքարում:

Առաջին խաղակեսում Մարիո Մանջուկիչը 2 գնդակ ուղարկեց տանտերերի դարպասը: 

61-րդ րոպեին Մատուիդին հաշիվը դարձրեց 3:0: Ամեն ինչ գնում էր դեպի լրացուցիչ ժամանակ, սակայն մրցավարի ավելացված ժամանակում մադրիդցիները 11 մետրանոց հարվածի իրավունք ստացան, իսկ թուրինյան թիմի դարպասապահ Ջանլուիջի Բուֆոնը կարմիր քարտի արդյունքում հեռացվեց խաղադաշտից:  11 մետրանոց հարվածն անվրեպ իրացրեց Կրիշտիանու Ռոնալդուն: