Երևանում բնակարաններից մեկի պատշգամբը կախվել է, քարեր են պոկվել

Ապրիլի 11-ին, ժամը 18:09-ին ահազանգ է ստացվել, որ Երևան քաղաքի Արցախի պողոտայի 4-րդ նրբանցքի թիվ 10 շենքի 4-րդ հարկի բնակարաններից մեկի պատշգամբից քարեր են պոկվել և ընկել 3-րդ հարկ, պատշգամբը թուլացած, կախված վիճակում է, առկա է փլուզման վտանգ. անհրաժեշտ է փրկարարների օգնությունը:

Դեպքի վայր են մեկնել Ճգնաժամային կառավարման ազգային կենտրոնի օպերատիվ խումբը և մեկ մարտական հաշվարկ:

Պարզվել է, որ մասնակի փլուզվել է բնակարանի պատշգամբը (2 քմ). շենքը վթարային է:

Փրկարարները սահմանազատել են տարածքը. ստացված տեղեկությունը փոխանցվել է Ճգնաժամային կառավարման ազգային կենտրոնում քաղաքաշինության պետական կոմիտեի ներկայացուցչին: