Հրավառության նյութեր՝ ԱԺ-ում. Արարատ Միրզոյանն ու Լենա Նազարյանը ակցիա իրականացրեցին

ԱԺ-ում «Ելք» խմբակցությունից «Քաղաքացիական պայմանագրի» պատգամավորներ Արարատ Միրզոյանը և Լենա Նազարյանը յուրահատուկ ակցիա իրականացրեցին: Նախ` Արարատ Միրզոյանը ելույթում կոչ արեց ապրիլի 13-ին` ժամը 18:30-ին, գնալ Ազատության հրապարակ, որտեղ կվառեն ազատության ջահը, ապա ծխահան ջահ վառեց հենց դահլիճում: Նրան միացավ նաև Լենա Նազարյանը:

Ի դեպ, «Ելք» խմբակցության պատգամավոր Գևորգ Գորգիսյանը, դիմելով ԱԺ փոխնախագահ Էդուարդ Շարմազանովին, ասաց. «Էս ինչ ա՞»: Շարմազանովն արձագանքեց. «Դուք, ձեր գործընկերները»:

Գորգիսյանն այնուհետև ընդմիջում պահանջեց, սակայն նիստը նոր էր սկսվել: Շարմազանովը մերժեց և, անդրադառնալով ակցիային ասաց. «Շոուն չստացվեց»: