Մոսկվան հայտարարել է 50 բրիտանացի դիվանագետների արտաքսման մասին

Մեծ Բրիտանիան ներկայացնող 50-ից ավելի դիվանագետները պետք է լքեն Ռուսաստանը: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: Հաղորդում է BBC-ն:

Ավելի վաղ Մեծ Բրիտանիան հայտարարել էր 23 ռուս դիվանագետների արտաքսման մասին: Դիվանագիտական հարաբերությունների սրացումը ՌԴ և Մեծ Բրիտանիայի միջև սկսվեց Մեծ Բրիտանիայում  Սկրիպալի և նրա դստեր թունավորումից հետո: Մեծ Բրիտանիան թունավորման մեջ մեղադրեց Ռուսաստանին, վերջինս էլ հայտարարեց, որ մեղադրանքի համար որևէ ապացույց չկա: Ավելին, Մարիա Զախարովան հայտարարել է, որ Սկրիպալի և իր դստեր թունավորման գործում մասնակից են բրիտանական հատուկ ծառայությունները: