Արցախում ականի պայթյունից տուժածների մոտ թեթև դրական դինամիկա կա

Երեկ Արցախում` չեզոք գոտում, տեղի ունեցած պայթյունից երկու տուժածների մոտ կա թեթև դրական դինամիկա:

Ստեփանակերտի հիվանդանոցից Yerkir.am-ին հայտնեցին, որ Արամ Մկրտչյանի վիճակը գնահատվում է կայուն ծանր՝ թեթև դրական դինամիկայով: Հիշեցնենք, որ նրա մոտ առկա էր ներքին արյունահոսություն, փայծաղի պատռվածք, երեկ կատարվել էր փայծաղի հեռացում:

Իսկ Գարիկ Ղահրիյանի վիճակը գնահատվում է ծայրահեղ ծանր, թեև նրա մոտ էլ առկա է թեթև դրական տեղաշարժ, հեմոդինամիկ տվյալները կայուն են: Երեկ տղային վիրահատել էին, կատարվել էր զույգ ստորին վերջույթների ամպուտացիա: Գարիկի մոտ առկա էր երրորդ ու չորրորդ աստիճանի հեմոռագիկ շոկ: Բացի այդ՝ հետազոտությունների արդյունքում պարզվել է նաև, որ տղայի մոտ առկա են ողնաշարի գոտկային մասի երրորդ, չորրորդ ողերի ու փոքր կոնքի ոսկրերի կոտրվածքներ: