Վրաստանում կարծում են, որ Բելառուսի նախագահը գաղտնի առաջարկ է բերել երկիր

Բելառուսի նախագահ Ալեքսանդր Լուկաշենկոն այսօր ավարտում է իր երկօրյա այցը Վրաստան, որտեղ բանակցություններ է վարել Վրաստանի նախագահ Գիորգի Մարգվելաշվիլիի, վարչապետ Գիորգի Կվիրիկաշվիլիի հետ, հանդիպել Համայն Վրաստանի կաթողիկոս-պատրիարք Իլյա Երկրորդի հետ. գրում է Независимая Газета-ն:

Կողմերը համաձայնություն են ձեռք բերել, համաձայն որի` Վրաստանում արտադրվող ապրանքների և մթերքների գրեթե ամբողջ տեսականին կմատակարարվի Բելառուս, իսկ Վրաստան կմատակարարվեն բելառուսական գյուղատնտեսական տեխնիկայի խոշոր խմբաքանակներ:

«Սակայն վրացիներին հետաքքրում է այցի քաղաքական կողմը, նրանք հարց են տալիս` ի՞նչ է  կանգնած Լուկաշենկոյի այցի հետևում: Դրա մասին, իհարկե, եթե առաջարկ եղել է, հայտնի կդառնա ավելի ուշ: Մոտավորապես այնպես, ինչպես 2015 թվականին Բելառուսի նախագահի` Թբիլիսի նախորդ այցից հետո: Այդ ժամանակ նա խորհուրդ էր տվել ընդունող կողմին դիտարկել ԵԱՏՄ մտնելու հնարավորությունը  և միանգամից չմերժել»,- նշում է պարբերականը: