Ներդրվում է էլեկտրոնային առողջապահական համակարգ. հանձնարարական

Այսօր կառավարության նիստում վարչապետ Կարեն Կարապետյանը հանձնարարական տվեց էլեկտրոնային առողջապահության աշխատանքների ներդրման վերաբերյալ: Վարչապետի խոսքով` առողջապահության նախարարության կողմից իրականացվում են էլեկտրոնային առողջապահության ամբողջական ներդրմանն ուղղված անհրաժեշտ աշխատանքներ:

Այս փուլում անհրաժեշտ է ապահովել քաղաքային ու մարզային ենթակայութմաբ գործող բոլոր բժշկական կազմակերպությունների ինտեգրումը էլեկտրոնային առողջապահական համակարգին:

Հաշվի առնելով վերոնշյալը, նա հանձնարարեց տարածքային կառավարման և զարգացման, առողջապահության , տրանսպորտի և կապի նախարարներին 15 օրյա ժամկետում քաղաքային և մարզային ենթակայության տակ գործող բժշկական հաստատությունների համար ապահովել անհրաժեշտ պայմաններ օգտատերերի համացանց մուտք գործելու և էլեկտրոնային առողջապահական համակարգին ինտեգրվելու համար: Ապա վարչապետը հարցրեց. «Աստեղ մարզպետները բան չունե՞ն անելու: Այս հանձնարարականի մեջ պետք է ավելացել նաև մարզպետներին»:

Վարչապետը հստակեցրեց հանձնարարականի բնույթը, ասելով, որ խոսքն այն մասին է, որ որոշ վայրերում համացանց չկա, և պետք է անհապաղ ապահովել այդ վայրերը համացանցով: