Գնումների ոլորտի շեղումները նաև ոչ ճիշտ պլանավորման պատճառով են. հանձնարարական

Այսօր կառավարության նիստում վարչապետ Կարեն Կարապետյանը հանձնարարական տվեց ապրանքների ձեռք բերման գնի պլանավորման վերաբերյալ: Վարչապետի խոսքով` դեռ 2018թ. հունվարին կառավարության նիստում անդրադարձ էր կատարվել պետական գնումների վերլուծության հարցին: Ներկայացված ուսումնասիրությունների արդյունքում վեր են հանվել թերություններ, շեղումներ, որոնք ոչ հստակ պլանավորման արդյունք են:

Վարչապետը ֆինանսների նախարարին հանձնարարեց երկամսյա ժամկետում մշակել և ֆինանսների նախարարության կայքում հրապարակել նախարարությունների հիմնական սպառման` 20-30 անուն ապրանքների օրինակելի տեխնիկական բնութագրերը:

Ֆիննախին հանձնարարվեց մեկամսյա ժամկետում մշակել և ֆինանսների նախարարության կայքում հրապարակել յուրաքանչյուր ձեռք բերվող ապրանքի, բացառությամբ դեղամիջոցների, մեկ միասնական չափման միավոր: Հանձնարարվեց երկամսյա ժամկետում առողջապահության նախարարի հետ մշակել և կայքերում հրապարակել յուրաքանչյուր դեղամիջոցի միասնական չափման միավորը: