Եթե դառնամ նախագահ, լինելու եմ 4-րդ հանրապետության առաջին նախագահը. Արմեն Սարգսյան

ՀՀ նախագահի թեկնածու Արմեն Սարգսյանը հստակ չգիտի` Հայաստանում քաղբանտարկյալներ կա՞ն, թե՞ ոչ: «Ես չգիտեմ`կա՞ն, թե՞ ոչ: Գիտեմ, որ կան անհատներ, որոնք գնահատվում են հասարակության կողմից որպես քաղբանտարկյալ: Ես գիտեմ միջազգային տարբեր կառույցների կարծիքները, և իմ տեսակետն է, որ մեր երկրում քաղբանտարկյալներ, այսօր կամ վաղը, չպետք է լինեն, բայց ո՞վ է որոշում, թե քաղբանտարկյալ է, չեմ կարող ասել»,- լրագրողների հետ զրույցում ասաց նա:

Հարցին` չի՞ վիրավորվում, որ, եթե նախագահ դառնա, Բաղրամյան 26-ում չի նստելու, այլ` ուրիշ նստավայրում, Սարգսյանը պատասխանեց. «Հակառակը` ես կարծում եմ, որ եթե դառնամ նախագահ,  լինելու եմ ոչ թե երրորդ հանրապետության չորրորդ նախագահը, այլ չորրորդ հանրապետության առաջին նախագահը»: