Չեք թողնում, էլի, օլիգարխ դառնամ. քաղաքացին` փոխոստիկանապետին

Այն պահին, երբ ցուցարարները հասան ՀՀԿ գրասենյակի մոտ, ոստիկանները, Երևանի փոխոստիկանապետ Վալերի Օսիպյանի գլխավորությամբ, փողոցով անցնող քաղաքացիներին սկսեցին հորդորել, որ ՀՀԿ գրասենյակի մոտից հեռանան: Վալերի Օսիպյանը, մոտենալով մի քաղաքացու, հորդորեց այդտեղ չկանգնել, քաղաքացին էլ դժգոհեց` ասելով.  «Որտեղ կուզեմ, կկանգնեմ» :

Փոխոստիկանապետի հարցին` Դուք ով ե՞ք, քաղաքացին հանգիստ պատասխանեց. « Հայաստանի Հանրապետության քաղաքացի»:

Իմանալով քաղաքացու ով լինելը` փոխոստիկանապետն ավելի կտրուկ տոնով պահանջեց հեռանալ տարածքից: Քաղաքացին լուրջ դեմքով պատասխանեց. «Չեք թողնում, էլի, մոտենամ էս շենքին: Ախր, ես էլ եմ ուզում օլիգարխ դառնալ»: