ԱԺ-ն առաջին ընթերցմամբ ընդունեց «Ավտոմոբիլային տրանսպորտի մասին» օրենքը. «Ելք»-ը դեմ էր, «Ծառուկյան»-ը` ձեռնպահ

ԱԺ-ում առաջին ընթերցմամ քվեարկության դրվեցին «Ավտոմոբիլային տրանսպորտի մասին» Հայաստանի Հանրապետության օրենքում փոփոխություններ կատարելու մասին» և «Վարչական իրավախախտումների վերաբերյալ ՀՀ օրենսգրքում փոփոխություններ կատարելու մասին» օրենքների նախագծերը և ընդուվեցին ձայների` 59 կողմ, 7 դեմ և 27 ձեռնպահ հարաբերակցությամբ:

Վարման կարգով ելույթ ունեցավ «Ելք» խմբակցության պատգամավոր Արտակ Զեյնալյանը և նշեց, որ իրենց խմբակցությունն այստեղ լուրջ կոռուպցիոն ռիսկեր է տեսնում, այդ պատճառով էլ դեմ է քվեարկելու:

«Ծառուկյան» խմբակցության պատգամավոր Նաիրա Զոհրաբյանը, վարման կարգով ելույթ ունենալով, նշեց, որ իրենց մտահոգությունը հայտնել են այս նախագծի վերաբերյալ: «Ռիսկային նախագիծ է`մեկ օպերատորին հանձնելու դեպքում տրանսպորտի սակագնի թանկացում կլինի: Այս փուլում մենք ձեռնպահ ենք քվեարկում, մեր առաջարկները կներկայացնենք, եթե չընդունվեն, մյուս փուլում դեմ կքվեարկենք»,- ասաց նա։