Ռուսաստանը կկրճատի Ադրբեջանից լոլիկի ներկրումը

Թուրքական լոլիկի՝ սահմանափակ քանակով կրկին ռուսական շուկա վերադառնալը չի ազդի հայրենական արտադրողների վրա, փոխարենը Ռուսաստանը կկրճատի այլ երկրներից, այդ թվում` Ադրբեջանից լոլիկի ներկրման ծավալները: Այդ մասին Россия 24-ի եթերում հայտարարել է Ռուսաստանի գյուղատնտեսության նախարար Ալեքսանդր Տկաչովը:

«Դա ավելի շատ քաղաքական պատասխան քայլ էր, խոսքն ընդամենը 50.000 տոննայի մասին է, իսկ, ընդհանուր առմամբ, մենք ներմուծում ենք դեռևս 500.000 տոննա լոլիկ, դա Ադրբեջանն է, Ուզբեկստանը, Թունիսը, Մարոկկոն: Ավելի շուտ նրանք խնդիրներ կունենան, երկրները, որոնք մեծ ծավալի արտահանող են: Մեզ վրա դա չի անդրադառնա, դա ընդամենը ներկրման 10 տոկոսն է», - ասել է նախարարը: