Էրդողանը Մեծ Բրիտանիայի վարչապետի հետ զրույցում բարձրացրել է Երուսաղեմի հարցը

Թուրքիայի նախագահ Ռեջեփ Թայիփ Էրդողանն ու Մեծ Բրիտանիայի վարչապետ Թերեզա Մեյը հեռախոսազրույց են ունեցել Երուսաղեմի հարցի շուրջ:

Ըստ Demokrathaber-ի՝ կողմերը մտահոգություն են հայտնել տարածաշրջանում աճող լարվածության ու Երուսաղեմում տեղի ունեցող դեպքերի առնչությամբ: Նրանք համակարծիք են եղել, որ խնդրի լուծման համար միակ ընդունելի տարբերակը Իսրայելի և Պաղեստինի մասնակցությամբ երկկողմ խաղաղ բանակցություններն են՝ շեշտելով, որ Իսրայելը պետք է ընդունի խնդրի լուծման այս տարբերակը:

Մեյն ու Էրդողանը շոշափել են նաև ՄԱԿ-ի Անվտանգության խորհրդում Երուսաղեմի հարցով քվեարկության ժամանակ ԱՄՆ-ի կողմից վետոյի կիրառման թեման: