ՃՈ-ն նույն խախտման համար վարորդին երկու տուգանք է ուղարկել, ընդ որում՝ տարբեր տեսախցիկներով արձանագրված

Ճանապարհային ոստիկանությունը նույն խախտման համար վարորդին երկու տարբեր տուգանքներ է ուղարկել, ընդ որում տարբեր տեսախցիկների կողմից արձանագրված:

Երևանի ավագանում «Ելք» խմբակցության անդամ, «Վարորդի ընկեր» ՀԿ-ի համահիմնադիր Սերգեյ Ղահրամանյանը Yerkir.am-ին հայտնեց, որ եղել են դեպքեր, որ նույն խախտումը նույն տեսախցիկից երկու անգամ է ուղարկվել վարորդին, բայց որ նույն խախտումը տարբեր տեսախցիկների կողմից արձանագրվի և դրա համար երկու տուգանք ուղակվի, նորություն էր:

«Փաստորեն, երբ ես ասում էի, որ պետք է տեսախցիկներն ավելացնել, ես մի բան չէի մտածել, որ նման դեպքեր կլինեն, ու վստահ եմ, ու սա դեռ բացումն է, շուտով նույն խախտման համար մի 3-4 հատ էլ տուգանք կստանան վարորդները»,-ասաց նա:

«Վարորդի ընկեր» ՀԿ-ն պահանջում է, որպես բողոքարկում ընդունել այս հայտարարությունն ու բեկանել 27.11.2017թ. N 1707182254 Հրաչյա Միքայելյանի կողմից և 27.11.2017թ. N1707182245 Էդուարդ Շահինյանի կողմից կայացված տույժերը: