Լավ լեզու ենք գտել, ընդ որում` շատ վաղուց. նախարարը՝ նախկին ենթակայի մասին

Կառավարության այսօրվա նիստից առաջ էկոնոմիկայի նախարար Կարեն Ճշմարիտյանը, անդրադառնալով նախարարի տեղակալ Կարինե Մինսայանի աշխատանքից ազատվելու հանգամանքին, նշեց, որ դա ամենևին կապ չունի Եվրասիական տնտեսական միությանը Հայաստանի անդամակցության գործընթացների հետ: Կարինե Մինասյանը, հավաստիացրեց նախարարը, աշխատանքից ազատվել է սեփական դիմումի համաձայն:

Լրագրողների դիտարկմանը, թե նախարարն ու փոխնախարարը լեզու չեն գտել, Կարեն Ճշմարիտյանը հակադարձեց. «Ո´չ, լավ լեզու ենք գտել, ընդ որում` շատ վաղուց»:

Կարինե Մինասյանը, Ճշմարիտյանի խոսքերով, հաստատ անգործ չի մնա, այլ աշխատանք կգտնի, թեեւ նախարարը չգիտի, թե ինչ աշխատանք: