Զյուգանովը որոշել է առաջադրվել ՌԴ նախագահական ընտրություններում

ՌԴ Կոմունիստական կուսակցության առաջնորդ Գենադի Զյուգանովը հայտնել է, որ առաջադրվելու է ՌԴ 2018թ նախագահական ընտրություններին: Այս մասին հաղորդում է BBC-ն:

«Ես շարժման լիդեր եմ, իմ թեկնածությունը առաջադրել են կոմունիստական կուսակցության բոլոր օղակները»,- ասել է նա Ռուսաստանի առաջին ալիքի հետ հարցազրույցում: Կուսակցությունն արդեն նախաձեռնել է «Տասը քայլ` արժանավայել կյանքի համար» ծրագիրը, որով նա կմտնի նախընտրական արշավի մեջ:Զյուգանովը նախագահական ընտրություններին մասնակցել է չորս անգամ:

ՌԴ նախագահական ընտրությունները անց են կացվելու 2018-ի մարտին: Իրենց թեկնածությունն առաջադրելո մասին արդեն հայտնել են «Յաբլոկո» կուսակցության հիմադիր Գրիգորի Յավլինսկին, հեռուստահաղորդավար Քսենիա Սոբչակը, ռադիոհաղորդավար Կատյա Գորդոնը, քաղաքագետ Անդրեյ Բոգդանովը, կոռւպցիայի դեմ պայքարի հիմնադրամի հիմնադիր Ալեքսեյ Նավալնին: Գործող նախագահ Վլադիմիր Պուտինը դեռ չի հայտնել ` առաջադրվելու է նախագահական ընտրություններում, թե ոչ: