Նախագահի աշխատակազմի ծախսերի կրճատումը պայմանավորված է Սահմանադրությամբ. Արմեն Գևորգյան

ԱԺ-ում «ՀՀ 2018 թ. պետական բյուջեի մասին» ՀՀ օրենքի նախագծի նախնական քննարկումների ժամանակ նախագահի աշխատակազմի ղեկավար Արմեն Գևորգյանը: Նրա խոսքով` հաշվի առնելով այն հանգամանքը, որ 2018 թվականի ապրիլի 9-ից Սահմանադրությամբ նախագահի լիազորությունները սահմանափակվելու են, բյուջեն բաժանված է երկու մասի` մինչև ապրիլի 9-ը և դրանից հետո:

«Հանրապետության նախագահի գործառույթները սպառիչ են, լրացուցիչ օրենսդրության կարգավորման անհրաժեշտություն չեն ունենալու: Առաջին եռամսյակում գործող նախագահը լիարժեքորեն իրականացնելու է իր գործառույթները, ուստի մեր ֆինանսական միջոցների ծախսումը բաժանվել է երկու մասի, մինչև ապրիլի 9-ը և դրանից հետո որոշակի ծախսեր չեն նախատեսվելու պետական բյուջեով»,- ասաց նա:

Կապված փոփոխությունների հետ` որոշակի ծրագրեր չեն նախատեսվելու նախագահի աշխատակազմի բյուջեով: «Տեղեկատվական ՊՈԱԿ-ի գործունեության հիմնախնդիրները, պետական կառավարման ակադեմիայի հետ իրականացվող 2 ծրագրերը անցնելու են կառավարության տիրույթ»,- ասաց Գևորգյանը:

Ծախսերը, ըստ նրա, հիմնականում պահպանման ծախսեր են լինելու` աշխատավարձ, գործուղումներ և այլն: 

2018-ին թվականին ծախսերի ցուցանիշները 30-35 տոկոսով կնվազեն` կապված լիազորությունների վերաբախշման հետ: