Իտալիայի խորհրդարանը հաստատեց բյուջեի կրճատումը

Իտալիայի խորհրդարանը երեկ ուշ երեկոյան հաստատել է կառավարության ներկայացրած տնտեսական օրինագծերի փաթեթը, որն ուղղված է պետական բյուջեի դեֆիցիտի նվազեցմանը: Կառավարությունը հույս ունի, որ առաջիկա երեք տարիների ընթացքում կկարողանա պետական պարտքը նվազեցնել 54 միլիարդ եվրոյով. տեղեկացնում է Gazeta.ru-ն:

Չնայած զանգվածային բողոքի ակցիաներին, որոնք սկսվել են այս շաբաթվա սկզբին եւ տեղի են ունենում երկրի բոլոր քաղաքներում, 165 պատգամավոր կողմ է քվեարկել, 141-ը` դեմ, 3-ը ձեռնպահ են մնացել:

Եթե փաթեթին կողմ քվեարկողներն ավելի քիչ լինեին, ապա վարչապետ Սիլվիո Բեռլուսկոնին, ամենայն հավանականությամբ, ճնշում էր գործադրելու նախագծին դեմ եղողների վրա: