Խնդրենք «Գազպրոմ-Արմենիա»-ին, որ սահմանամերձ բնակավայրերի համար հատուկ ռեժիմ սահմանի. վարչապետ

Այսօր կառավարության նիստում տարածքային կառավարման և զարգացման նախարար Դավիթ Լոքյանը հարցը զեկուցելիս խոսեց նաև մի խնդրի մասին` գազը հասնում է սահմանամերձ բնակավայրեր, սակայն ներքին խնդիրները լուծված չեն, հատկապես` Կոթի, Ոսկեվան, Ոսկեպար համայնքներում: Նա խնդրեց էներգետիկ ենթակառուցվածքների նախարարին` լուծումներ գտնել:

Վարչապետը դիմեց էներգետիկ ենթակառուցվածքների նախարարին: «Պարո'ն Մանուկյան, սահմանամերձ բնակավայրերի համար մենք հատուկ ռեժիմ ունենք, որ այն բնակավայրերը, որոնց մոտ գազիֆիկացումը անտրամաբանական ծախսերի հետ  է կապված, առաջարկել այլընտրանքային էներգիա: Խնդրում եմ քննարկել բոլոր տարբերակները, եթե գազի խնդիրը շատ չի տարբերվում ծախսի առումով, ապա խնդրենք «Գազպրոմ-Արմենիա»-ին, որ այս բնակավայրերի համար հատուկ ռեժիմ սահմանի»,- ասաց վարչապետը: