Կրակոցներ` «Արմենիա» ԲԿ-ում. կալանավորի փախուստի փորձը կանխվել է

Այսօր՝ ժամը 16։20-ի սահմաններում, ինքնաձիգով զինված քաղաքացին ներս է մտել «Արմենիա» բժշկական կենտրոնի անոթային բաժանմունք, որտեղ բուժում է ստանում կալանավորված մի քաղաքացի։ Այս մասին Yerkir.am-ի հետ զրույցում հայտնեցին ոստիկանությունից:

«Ինքնաձիգով քաղաքացին վնասազերծվել է և բերման է ենթարկվել ոստիկանություն»,- ասացին մեզ:

Դեպքի հանգամանքները պարզվում են:

Նշենք, որ, ըստ Sahmshyan.com-ի, անձը  ինքնաձիգը հիվանդանոց է մտցրել պայուսակի մեջ թաքցրած, 3-րդ հարկի հիվանդասենյակներից մեկում ոչ թիրախային անկանոն կրակոցներ է արձակել։ Կալանավորին հսկող` ոստիկանության ծառայողները կարողացել են վնասազերծել կրակոցներ արձակողին, սակայն կալանավորը դիմել է փախուստի: Նրա փախուստը կանխվել է հիվանդանոցում ծառայություն կատարող «Բրիգադ» անվտանգության ծառայության աշխատակիցների կողմից։