Նորքի ինֆեկցիոն հիվանդանոցից փախուստի դիմած կալանավորի նկատմամբ հետախուզում է հայտարարվել

Սեպտեմբերի 16-ին` ժամը 04:00-ի սահմաններում, Նորքի ինֆեկցիոն հիվանդանոցից փախուստի դիմած ՀՀ ԱՆ «Նուբարաշեն» քրեակատարողական հիմնարկի կալանավոր` 59-ամյա  Սուրեն  Գաբրիելյանի նկատմամբ հետախուզում է հայտարարվել: Այս մասին տեղեկացնում են ՀՀ ոստիկանությունից:

Նա մեղադրվում է ՀՀ քրեական օրենսգրքի 325 հոդվածի 2-րդ մասով, 178 հոդվածի 2-րդ մասի 1-ին կետով, 178 հոդվածի 3-րդ մասի 1-ին կետով, 190 հոդվածի 2-րդ մասի 2-րդ կետով և 190 հոդվածի 3-րդ մասի 1-ին կետով:

Կալանավորի արտաքին նշաններն են` հասակը՝ 165-170 սմ, նիհարավուն կազմվածքով, քայլում է կաղալով:

Ովքեր որևէ տեղեկություն ունեն նրա գտնվելու վայրի վերաբերյալ, խնդրում են դիմել ոստիկանության մոտակա բաժին կամ զանգահարել 1-02 հեռախոսահամարով: