Արթուր Ալեքսանյանի անվան մարզադպրոցը վերանորոգման ենթակա չէ. Հրաչյա Ռոստոմյան

Այսօր տեղի ունեցած մամուլի ասուլիսի ընթացքում ՀՀ սպորտի և երիտասարդության հարցերի նախարար Հրաչյա Ռոստոմյանը խոսեց նաև Գյումրիի Արթուր Ալեքսանյանի անվան ըմբշամարտի մարզադպրոցի վերանորոգման մասին:

-Ալեքսանյանի ձեռքբերումներն, իհարկե, անգնահատելի են։ Մենք պետք է ժամանակակից այնպիսի կենտրոն բացենք, որ հարիր լինի նրա անվանը։  Այդ դպրոցը, որն այժմ կա Գյումրիում, վերանորոգման ենթակա չէ։ Շատ խնդիրներ կան։ Մենք կարող ենք վերանորոգել, բայց 2-3 տարի հետո նույն վիճակն է լինելու։ Ժամանակակից սպորտում շատ բաներ կան, առանց որոնց անհնար է պատկերացնել այդ դպրոցը։ Ամենաուշը 40 օրից գծագիրը պատրաստ կլինի, և հավանության արժանանալու դեպքում հաջորդ տարի կսկսենք նոր մարզադպրոցի կառուցումը,- ասաց նախարարը։