Բաքվում յուրաքանչյուր մեդալ հաղթանակ է լինելու մեզ համար. Հրաչյա Ռոստոմյան

«Կարևորը մասնակցությունն է» կարգախոսը մեզ  չի վերաբերում: Մենք ընտրել ենք  այն մարզաձևերը, որտեղ ակնկալում ենք հաջողություններ: Ծանրամարտ մարզաձևը ընգրկված չէ Եվրոպական խաղերում, հակառակ դեպքում` մենք նաև մասնակից ծանրամարտիկներ կունենայինք»,- այսօր, խոսելով Բաքվի Եվրոպական խաղերում հայ մարզիկների մասնակցության մասին, լրագրողներին ասաց ՀԱՕԿ գլխավոր քարտուղար Հրաչյա Ռոստոմյանը:

«Յուրաքանչյուր մեդալ մեզ համար հաղթանակ է լինելու: Իրականում մեր մարզիկների համար հեշտ չի լինելու նման մթնոլորտում կռիվ տալը: Յուրաքանչյուր հայ մարզիկ, ով մեկնում է Բաքու, արդեն հերոս է»,- ասաց նա և հավելեց, որ Եվրոպական առաջին խաղերի բացման արարողության ժամանակ Հայաստանի դրոշակակիրն ինքն է լինելու: