«Չենք ճանաչի». Թուրքիայի ԱԳ նախարարությունը` Իրաքյան Քուրդիստանում այսօր անցկացվող հանրաքվեի մասին

Թուրքիայի ԱԳ նախարարությունը պաշտոնական հայտարարություն է տարածել՝ կոչ անելով իր քաղաքացիներին` լքել Իրաքյան Քուրդիստանի տարածքը:

Միջանկյալ նշենք, որ այսօր Իրաքյան Քուրդիստանում անցկացվում է անկախության հանրաքվե, որին Թուրքիան կտրականապես դեմ է և արդեն բազմաթիվ սպառնալիքներ է հնչեցրել:

Նախարարության տարածած հայտարարության մեջ առանձնապես շեշտվել է, որ «Թուրքիան չի ճանաչի որևէ իրավական հիմք և օրինականություն չունեցող այդ հանրաքվեի արդյունքները»:

Թուրքիայի տարբեր շրջաններում բողոքի ցույցեր են սկսվել: Ցուցարարները, որոնք հիմնականում ազգայնական կուսակցության գաղափարակիրներ են, դեմ են քրդերի հանրաքվեին: