Ճապոնիայի քաղաքացիները կազատվեն ՀՀ մուտքի վիզայի պահանջից

Վաղվա կառավարության նիստում քննարկվելու է Ճապոնիայի քաղաքացիներին ՀՀ մուտքի վիզայի պահանջից ազատելու մասին հարցը:

Համաձայն «Օտարերկրացիների մասին» Հայաստանի Հանրապետության օրենքի 9-րդ հոդվածի 5-րդ մասի՝ Հայաստանի Հանրապետության կառավարությունը որոշելու է` Ճապոնիայի քաղաքացիների համար սահմանել առանց մուտքի վիզայի ռեժիմ 2017 թվականի սեպտեմբերի 6-ից:

Հայաստանի Հանրապետության արտաքին գործերի նախարարիը սույն որոշման մասին պետք է ծանուցի Ճապոնիային:

Այս որոշումն ուժի մեջ է մտնելու պաշտոնական հրապարակմանը հաջորդող օրվանից, և դրա գործողությունը տարածվելու է 2017 թվականի սեպտեմբերի 6-ից հետո ծագած հարաբերությունների վրա: