Հայկ Սայադյանի շարժանկարը հաղթող է ճանաչվել «Կազանձակիսի հետքերով» մրցույթում

Հայտնի են հույն գրող Նիկոս Կազանձակիսին նվիրված «Կազանձակիսի հետքերով« մրցույթում հաղթողների անունները:

Rusgreek.ru-ից տեղեկանում ենք, որ մրցույթին մասնակցել է 27 ստեղծագործող` 5 երկրներից` Հայաստան, Վրաստան, Ռուսաստան, Մոլդովա և Ղազախստան: Հաղթող է ճանաչվել 14 աշխատանք, այդ թվում նաև Հայաստանը ներկայացնող նկարիչ Հայկ Սայադյանն իր` Կազանձակիսին նվիրված շարժանկարով:

Հաղթողներին հնարավորություն է տրվում հուլիսի 28-ից օգոստոսի 10-ն ընկած ժամանակահատվածում այցելել գրողի ծննդավայր` Կրետե կղզի, որտեղ էլ հուլիսի 29-ին տեղի կունենա գրողին նվիրված միջոցառում` Հունաստանի նախագահ Պրոկոպիս Պովլոպուլոսի մասնակցությամբ: