Yerkir.am-ի լրագրողը հաղթող է ճանաչվել իրավական թեմաների լուսաբանմանը նվիրված մրցույթում

Գերմանական միջազգային համագործակցության ընկերության (GIZ) գրասենյակում երեկ հրապարակվեցին իրավական թեմաների լուսաբանմանը նվիրված` լրագրողների մրցույթի արդյունքները: Yerkir.am կայքի լրագրող Թագուհի Մելքոնյանն իր «Մեր անձնական տվյալների ճակատագիրը պատգամավորների ձեռքում է» վերտառությամբ հրապարակման համար արժանացավ առաջին մրցանակի: Երկրորդ տեղը զբաղեցրեց  Արև Ավագյանը (հանրային հեռուստաընկերություն), իսկ երրորդը՝ Գևորգ Թոսունյանը(iravaban.net):

Մրցանակակիրներն արժանացան պատվոգրերի և դրամական պարգևների:

Նշենք, որ մրցույթը կազմակերպվել էր ՀՀ արդարադատության նախարարության առաջարկությամբ` Գերմանական միջազգային համագործակցության ընկերության (GIZ) «Հարավային Կովկասում իրավական և դատական բարեփոխումների համար խորհրդատվություն» ծրագրի հայաստանյան գրասենյակի կողմից: