Հայկական թիմերի ֆիասկոն եվրագավաթներում

Եվրոպա լիգայի որակավորման առաջին փուլում Հայաստանը ներկայացնող 3 թիմերը՝ «Գանձասար Կապան»-ը, «Շիրակ»-ն ու «Փյունիկ»-ը, ընդհանուր դիմակայություններում զիջեցին մրցակիցներին:

 «Փյունիկ»-ը արտագնա խաղում 0:5 հաշվով պարտվեց Բրատիսլավիայի «Սլովան»-ին: Դիմակայության առաջին խաղում երևանյան թիմը «Հանրապետական» մարզադաշտում պարտվել էր 1:4 հաշվով:

«Գանձասար Կապան»-ը, որը մրցակցի հարկի տակ  նվազագույն հաշվով պարտվել էր չեռնոգորական «Մլադոստ»-ին, պատասխան խաղում 3 անպատասխան գնդակ  ընդունեց սեփական դարպասը:

«Շիրակ»-ը մրցակցի դաշտում ոչ-ոքի՝ 2:2 հաշվով ավարտեց հանդիպումը «Գորիցա»-ի հետ: Առաջին խաղում Վարդան Բիչախչյանի սաները պարտվել էին 0:2 հաշվով:

Այսպիսով` հայկական թիմերը հերթական անգամ կատարյալ ֆիասկոյի ենթարկվեցին եվրոպական մրցասպարեզում: Բարձրագույն խմբի թիմերից պայքարը եվրագավաթներում պայքարը շարունակում է միայն չեմպիոն «Ալաշկերտ»-ը, որը չեմպիոնների լիգայի որակավորման առաջին փուլում հաղթահարել էր Անդորրայի չեմպիոն «Սանտա Կոլոմա»-ի արգելքը: Որակավորման 2-րդ փուլում Աբրահամ Խաշմանյանի թիմը մրցելու է բելառուսական ԲԱՏԷ-ի հետ: