Ընկերությունը Սամվել Ալեքսանյանի աղջկանն է. Սուրեն Կարայան

«Ալեքս տեքստիլ» ընկերության մանկական հագուստի նորաբաց արտադրամասում վարչապետին ոչ թե ՀՀԿ-ական պատգամավոր Սամվել Ալեքսանյանն է ուղեկցել, այլ նրա դուստրը. խորհրդարանում լրագրողներին ասաց ՀՀ տնտեսական զարգացման և ներդրումների նախարար Սուրեն Կարայանը:

Հարցին` արդյո՞ք պատգամավորները չեն խախտում օրենսդրությունը` համատարած կերպով գործարարությամբ զբաղվելով, նախարարը պատասխանեց. «Ես ձեզ վստահեցնում եմ` սեփականատերը Սամվել Ալեքսանյանի աղջիկն է»:

Երբ լրագրողները պնդեցին, որ այդ դեպքում ինչո՞ւ է Սամվել Ալեքսանյանը հանդիպմանը ներկա եղել, իսկ այնուհետև կառավարության կայքից անհետացան այդ նկարները, Կարայանն արձագանքեց. «Նրա աղջկա կազմակերպությունն է, ներկա է գտնվել: Այդտեղ խնդիր ես չեմ տեսնում»: