Ներմուծումների հետ կապված ահազանգեր դեռ չկան. Սուրեն Կարայան

Թեժ գիծն աշխատում է, ներմուծումների հետ կապված դեռ ահազանգեր չեն եղել. այսօր խորհրդարանում լրագրողներին ասաց ներդրումների և բիզնեսին աջակցման նախարար Սուրեն Կարայանը:

«Նախարարության թեժ գիծն աշխատում է, մեր ուշադրության կենտրոնում է: Դեռ զանգեր, թե խնդիրներ կան, չենք ստացել»,- ասաց նախարարը:

Անդրադառնալով այն հրապարկմանը, որ մի ՍՊԸ-ի թույլ չէին տվել բենզին ներկրել, նա ասաց. «Խնդիրն այն է, որ Եվրասիական տնտեսական միության տեխնիկական կանոնակարգի համաձայն՝ դիզվառելիքի ներկրման ժամանակ 1 կիլոգրամի մեջ ծծումբը պետք է չգերազանցի 10 միլիգրամը, եթե գերազանցում է, ապա արգելվում է, որ այդ ապրանքը ներմուծվի ԵՏՄ տարածք»:

Հիշեցնենք, որ վարչապետը հայտարարել էր, որ ով ներմուծման հետ խնդիր ունենա, կարող է զանգել իրեն: