Արմեն Մկրտչյանը հրաժարականի դիմում է ներկայացրել դստեր առողջական խնդիրների պատճառով

Հայաստանի ըմբշամարտի ֆեդերացիայի մամուլի քարտուղար Կարեն Գիլոյանն այսօր լրագրողներին հայտնեց, որ ազատ ոճի ըմբշամարտի Հայաստանի հավաքականի գլխավոր մարզիչ Արմեն Մկրտչյանը հրաժարականի դիմում է ներկայացրել դստեր առողջական խնդիրների պատճառով:  

«Արմեն Մկրտչյանը հրաժարականի դիմում է ներկայացրել դեռևս Թբիլիսիի մրցաշարից առաջ՝ դստեր առողջական խնդրի պատճառով: Հավաքականի գլխավոր մարզչի ժամանակավոր պաշտոնակատար է նշանակվել Հապետնակ Կուրղինյանը: Այս կարճ ժամանակահատվածում Մկրտչյանը լավ արդյունք ցույց տվեց:   Եվրոպայի առաջնությունում հավաքականը նվաճեց երեք բրոնզե մեդալ: Հավաքականի դռները բաց են նրա համար, հուսանք խնդիրները լուծվելուց հետո նա կվերադառնա»,- ասաց Գիլոյանը: