Ոստիկանության համառության պատճառով այսօր բնակիչները լուրջ առողջական խնդիրների առաջ են կանգնած․ Գառնիկ Դանիելյան

Սիրելի հայրենակիցներ, իմ հրապարակումներում պարբերաբար անդրադառնում եմ ՊՆ նախկին շենքի բնակիչների խնդրին։

Ինչպես տեղյակ եք, մենք, որպես նվազագույն պահանջ, առաջարկել էինք ոստիկանությանը 2-րդ վրան տեղադրելու թույլտվություն տալ։

Ոստիկանության համառության պատճառով այսօր բնակիչները լուրջ առողջական խնդիրների առաջ են կանգնած։ Նրանց մի մասը գիշերում է բաց երկնքի տակ։

Տեղեկացա, որ մանկահասակ 2 երեխա հոսպիտալացվել է։

Ցավոք, մեր բազմաթիվ կոչերը անարձագանք մնացին։ Իշխանությունը և իրավասու անձինք այս երեխաների առողջության և դրսում գիշերող մարդկանց առողջության վատթարացման բոլոր հետևանքների պատասխանատուն են։

Անտարբերությունը ևս մեղք է։

Գառնիկ Դանիելյան

ՀՀ ԱԺ «Հայաստան» խմբակցության պատգամավոր

ՀՅԴ Տավուշի Մարզային կոմիտեի ներկայացուցիչ