Թբիլիսիում կարմիր ներկ են լցրել Հեյդար Ալիևի հուշահամալիրի վրա. լուսանկարներ

Թբիլիսիի կենտրոնում գիշերն անհայտ անձինք կարմիր ներկ են լցրել Ադրբեջանի նախագահի Հեյդար Ալիևի հուշահամալիրի վրա. հայտնում է jam-news.net-ը:

Հաղորդվում է, որ վրացի լրագրողներն արդեն 5-րդ օրն է` ակցիաներ են անցկացնում` ի աջակցություն Բաքվում կալանքի տակ գտնվող ընդդիմադիր լրագրող Աֆղան Մուխթարլիի:

Մուխթարլիին Բաքվում մեղադրանք է ներկայացվել իշխանության ներկայացուցչի նկատմամբ ուժային դիմադրություն ցույց տալու վերաբերյալ: Նա նաև մեղադրվում է Ադրբեջանի սահմանն անօրինաբար հատելու և մաքսանենգության մեջ:

 Հիշեցնենք, որ լրագրողի փաստաբանը Кавказский узел-ին հայտնել էր, որ Վրաստանում անհայտ անձինք նրան ուժով նստեցրել են «Օպել» մակնիշի մեքենա և հասցրել Ադրբեջանի սահմանապահ ուղեկալներից մեկն ու նրա մոտ 10 հազար եվրո թողել, որպեսզի հետագայում մեղադրեն մաքսանենգության  և սահմանը անօրինաբար հատելու մեջ: