WannaCry հաքերային վիրուսը տարածվել է Ճապոնիայում, Չինաստանում և Հարավային Կորեայում

WannaCry հաքերային վիրուսը, որն ավելի վաղ կաթվածահար էր արել աշխարհի ավելի քան 150 երկրներում կազմակերպությունների և հաստատությունների համակարգչային համակարգերը, շարունակում է տարածվել ասիական երկրներում. հայտնում է Интерфакс-ը`Associated Press-ին հղումով:

Կիբերհարձակումների առաջացման դեպքում աջակցություն տրամադրող JPCERT ճապոնական ոչ կառավարական կազմակերպության տվյալներով՝  Ճապոնիայում նոր հարվածի տակ է  հայտնվել երկու հազար համակարգիչ:

Հաղորդվում է, որ առնվազն հինգ հարավկորեական ընկերություն իր համակարգերի վրա հարձակում է գրանցել:

Չինաստանում հաքերների հարձակումից տուժել են հարյուրհազարավոր համակարգիչներ: