Վարչապետի թեկնածությունը կառաջադրվի ՀՀԿ-ի կողմից. Արմեն Աշոտյան

Հայտնել ենք, որ այսօր նախագահական նստավայրում ստորագրվեց ՀՀԿ-ՀՅԴ կոալիցիոն նոր հուշագիրը: ՀՀԿ-ի կողմից հուշագիրը ստորագրեց ՀՀԿ փոխնախագահ Արմեն Աշոտյանը, իսկ ՀՅԴ-ի կողմից՝ կուսակցության ԳՄ ներկայացուցիչ Աղվան Վարդանյանը:

Հուշագրի ստորագրումից հետո լրագրողների հետ հարցուպատասխանի ընթացքում Աշոտյանն անդրադարձավ վարչապետ Կարեն Կարապետյանի` 2018 թվականից հետո էլ վարչապետի պաշտոնում լինելու հավանականությանը: Արձագանքելով դիտարկմանը, թե Կարեն Կարապետյանը հայտարարել է, որ 2018 թվից հետո էլ պատրաստ է լինել վարչապետ ու ղեկավարել երկիրը, և պատասխանելով հարցին՝ սա կոնկրետ պայմանավորվածության արդյո՞ւնք է, թե՞ ցանկության բարձրաձայնում, Աշոտյանը պատասխանեց. «Ինչպես գրված է նոր հուշագրում՝ վարչապետի թեկնածությունը կառաջադվի ՀՀԿ-ի կողմից: Կարծում եմ` սա սպառիչ, քաղաքական, հրապարակային և իրավական պատասխանն է ձեր մտահոգություններին, թե ինչ է լինելու 18 թվականի ապրիլից հետո»: