Արցախում ջրահեղձ եղած 19-ամյա Ռուբենն էլ էր Երևանից. մանրամասներ

Մատաղիսի զորամասին հարակից ջրամբարում ջրահեղձ եղած զինծառայողներից` 19-ամյա Ռուբեն Բարսեղյանը Երևանից էր:

Yerkir.am-ի տեղեկություններով` նա 10 ամսվա զինծառայող էր: Ռուբենը ծնողների հետ բնակվում էր Երևանի Արաբկիր վարչական շրջանում, ունի դպրոցահասակ քույր: Մեզ հայտնի դարձավ նաև, որ Ռուբենի ծնողները վատառողջ են և չեն աշխատում:

Ավելի վաղ հայտնել ենք, որ մայիսի 8-ի առավոտյան ՊԲ հյուսիսային ուղղությամբ տեղակայված զորամասերից մեկում տեղի է ունեցել դժբախտ պատահար: Ըստ նախնական տվյալների` ճանապարհատրասնպորտային պատահարի հետևանքով զորամասին հարակից ջրամբարում ջրահեղձ են եղել ՊԲ զինծառայողներ Ռուբեն Մնացականի Բարսեղյանը (ծնվ. 1998թ.), Ռաֆայել Արթուրի Բիշարյանը (ծնվ. 1997թ.) և Ռուբեն Հովհաննեսի Մնացականյանը (ծնվ. 1998թ.):

Որոնողական աշխատանքների արդյունքում հայտնաբերվել են Ռուբեն Բարսեղյանի և Ռաֆայել Բիշարյանի մարմինները: Ռուբեն Մնացականյանի ճակատագիրը պարզելու համար որոնողական աշխատանքները շարունակվում են: