Հայրը կվերցնի մանդատը, որդին դեռ չգիտի

Ինչպես հայտնի է, ըստ նախնական տվյալների, ԱԺ-ում են լինելու հայր և որդի` Գալուստ և Արման Սահակյանները:

Yerkir.am-ի հետ զրույցում, պատասխանելով հարցին, թե արդյո՞ք կա հստակ որոշում` գնալու է խորհրդարա՞ն, թե՞ մնալու է գործադիրում, Արման Սահակյանը պատասխանեց. «Եթե մարդը քաղաքականության մեջ է, պիտի ենթարկվի իր քաղաքական ուժի որոշմանը: Եթե կուսակցությունը որոշի, որ ես պետք է մնամ գործադիրում, ուրեմն ես կմնամ գործադիրում, սակայն եթե որոշի, որ պետք է գնամ Ազգային ժողով, ուրեմն կգնամ ԱԺ: Այս պահին այդ որոշումը դեռ կայացված չէ»:

Հարցին` իսկ հայրը` Գալուստ Սահակյանը, ունի՞ որոշում, կվերցնի՞ մանդատը, պատասխանեց. «Ինչո՞ւ պետք է չմնա խորհրդարանում: Ես կարծում եմ, որ նա կմնա ԱԺ-ում»: