Թրամփի հայտարարությունը Սիրիայում ավիահարվածներ հասցնելուց հետո

ԱՄՆ նախագահ Դոնալդ Թրամփը հայտարարել է, որ կոչ է անում բոլոր քաղաքակիրթ ազգերին ԱՄՆ-ի հետ համատեղ Սիրիայում զանգվածային սպանությունները և արյունահեղությունը դադարեցնելու համար ուղիներ որոնել. հայտնում է Газета.ру-ն:

Նա նշել է, որ Սիրիայում հասցված ավիահարվածները բխել են ԱՄՆ ազգային անվտանգության կենսական շահերից:

Թրամփի խոսքերով` ԱՄՆ-ը պետք է կանխի քիմիական զենքի տարածումը և կիրառումը:«Խաղաղությունն ու ներդաշնակությունը կգերակշռեն, քանի դեռ ԱՄՆ-ն շարունակում է պայքարել արդարության համար»,-ասել է նա:

ԱՄՆ-ն երեկ թևավոր հրթիռներով հարվածել է Սիրիայի արևմտյան Հոմս նահանգում գտնվող կառավարական ուժերի ռազմաբազային:

ԱՄՆ նախագահ Դոնալդ Թրամփը հայտարարել է, որ դա բխում էր ԱՄՆ ազգային անվտանգության կենսական շահերից: Հարվածի թիրախը Շայրաթ ռազմաբազան էր, որտեղից, ամերիկյան իշխանությունների կարծիքով, իրականացվել են քիմիական հարձակումները: