Ստամբուլի նահանգապետարանը խոչընդոտում է Պոլսո հայոց պատրիարքի ընտրությունների անցկացմանը

Մարտի 15-ին Ստամբուլում կայացած` Պոլսո Հայոց պատրիարքի տեղապահի ընտրությունից հետո հաղթանակ էր տարել Աթեշյանի հակառակորդ  Գարեգին արքեպիսկոպոս Բեկչյանը:

Ըստ Demokrathaber-ի՝ Ստամբուլի նահանգապետարանն անակնկալ կերպով միջամտել է Պոլսո Հայոց պատրիարքական ընտրությունների անցկացմանը: Նախքան ընտրությունների սկսվելը՝ Ստամբուլի նահանգապետի տեղակալը գրություն է ուղարկել՝ իրավաբանորեն «անհնար» համարելով պատրիարքական ընտրությունների գործընթացի մեկնարկը:

Պոլսո Հայոց պատրիարքի տեղապահի ընտրություններից անմիջապես հետո տեղապահի ընտրություններում պարտված` պատրիարքի փոխանորդ Արամ արքեպիսկոպոս Աթեշյանը պատրիարքարանի հոգևորականներին է ներկայացրել այդ գրությունը՝ հայտարարելով, որ չի հեռանա տեղապահի պաշտոնից: