Սերժ Սարգսյանի իշխանավարման տարիներին 3-4 ոլորտում ենք աճ գրանցել. Արմեն Մարտիրոսյան

«Օհանյան–Րաֆֆի–Օսկանյան» դաշինքի անդամներն այսօր՝ մարտի 11-ին, նախընտրական քարոզչության շրջանակներում հանդիպումներ են ունենում Երևանի Ավան, Նոր Նորք և Էրեբունի համայնքների բնակիչների հետ:

ՕՐՕ դաշինքի անդամ  Արմեն Մարտիրոսյանը ելույթում հայտարարեց, որ  Հայաստանին պետք է մի իրավիճակ, մի մոտեցում, որ լինի Հայաստանի, Արցախի, Սփյուռքի միասնություն: «Սերժ Սարգսյանի իշխանավարման տարիներին մենք ունեցանք բացառապես բացասական արդյունքներ, չկա մի ոլորտ որտեղ աճ գրանցած լինենք, բացի 3-4 ոլորտից»,- ասաց Մարտիրոսյանը, ապա հստակեցրեց, թե որ ոլորտների մասին է խոսքը, որտեղ, ըստ նրա, Սերժ Սարգսյանի կառավարման տարիներին աճ է գրանցվել:

Ըստ նրա՝ աճ է գրանցվել արտագաղթի ոլորտում: «Միայն անցած տարի 48 հազար մարդ է արտագաղթել, երկրորդ աճը՝ արտաքին պարտքն է, մինչև տարեվերջ նախատեսված է 6,2 միլիարդի հասցնել այն»,- ասաց Մարտիրոսյանը: