Լապշինի գործը մշտական վերահսկողության տակ է. Զախարովա

Ադրբեջանում ՌԴ դեսպանատունը բոլոր հնարավոր միջոցները ձեռնարկում է ռուսաստանցի բլոգեր Ալքեսանդր Լապշինին օգնելու համար. ըստ ТАСС-ի` ճեպազրույցում հայտնել է ՌԴ ԱԳՆ պաշտոնական ներկայացուցիչ Մարիա Զախարովան:

«Թեև Մինսկին բազմիցս ներկայացվել է Ռուսաստանի դիրքորոշումը ՌԴ քաղաքացիներին երրորդ երկրի հանձնելու անթույլատրելիության մասին, փետրվարի 7-ին Լապշինին արտահանձնեցին Ադրբեջանին»,- ասել է նա` հավելելով, որ փետրվարի 9-ին Բաքվի քննչական մեկուսարանում ՌԴ դեսպանության ներկայացուցիչներն արդեն հանդիպել են նրա հետ, և պահման պայմանների վերաբերյալ որևէ գանգատ չի եղել:

Զախարովայի խոսքով` ռուսական կողմը մշտական կապի մեջ է Ադրբեջանի ԱԳՆ-ի, գլխավոր դատախազության, իրավապահ մարմինների, Ադրբեջանում Իսրայելի դեսպանության հետ:

«Այդ հարցը մշտական վերահսկողության տակ է, Լապշինին ցուցաբերվում է որակյալ փաստաբանական օգնություն: Առջևում դատավարությունն է»,- ասել է նա: