Փարիզի քաղաքապետը հիացել է Երևանի նորարարական գաղափարներով

Տեղեկացրեցինք, որ Ֆրանսիայի հայկական կազմակերպությունները համակարգող խորհրդի տարեկան ճաշկերույթի ընթացքում Փարիզի քաղաքապետ Անն Իդալգոն իր աջակցությունն է հայտնել Հայաստանի բոլոր բարեկամներին, ովքեր վտանգված են աշխարհում:

Ըստ Asbarez-ի՝ իր ելույթում Իդալգոն անդրադարձել է նաև Երևան կատարած այցին: «Շատ քիչ է պատահում,  որ այլ քաղաքում նման հստակ մշակույթի զգացողություն ունենամ»,- ասել է քաղաքապետը՝ նշելով, որ ցնցված է Երևանի արդիականությամբ, մասնավորապես՝ «Թումո» այցից:

«Երևան մեկնելիս մտածում էի՝ ի՞նչ կարող է Փարիզը տալ Երևանին: Փարիզ վերադառնալիս մտածում էի՝ ինչպե՞ս կարող է Երևանն իր նորարարական գաղափարները փոխանցել Փարիզին»,- ամփոփել է Իդալգոն: