Հայտնի են «Օսկար 2017»-ի հավակնորդները

Լոս Անջելեսում հայտարարվել են «Օսկար 2017» մրցանակաբաշխության հավակնորդները, որոնցից ամենաշատ անվանակարգերում առաջադրված ֆիլմը «Լա-Լա Լենդն» է:

Ինչպես հայտնում է The Independent-ը, խոշորագույն կինոմրցանակի այս տարվա հավակնորդներին հայտարարել են երգչուհի Ջենիֆեր Հադսոնը, դերասաններ Բրի Լարսոնը և Քեն Ուաթանաբեն և մշակույթի ու կինոարվեստի այլ ներկայացուցիչներ:

Ներկայացվելով 14 անվանակարգերում` Դեմիեն Շազելի «Լա-Լա Լենդ» ֆիլմ-մյուզիքլը` Ռայան Գոսլինգի և Էմմա Սթոունի մասնակցությամբ, գերազանցել է «Տիտանիկի» (1997) ռեկորդը:  

«Լա-Լա Լենդից» բացի «Լավագույն ֆիլմ» անվանակարգում ներկայացվել են նաև «Ժամանում», «Ցանկապատեր», «Ամեն գնով», «Առյուծը», «Լուսնի լույսը», «Մանչեսթերը ծովափին», «Քողարկված կերպարներ» ֆիլմերը: 

«Լավագույն դերասան» անվանակարգում առաջադրվել են Ռայան Գոսլինգը, Քեյսի Աֆլեքը, Էնդրյու Գարֆիլդը, Վիգո Մորթենսենը և Դենզել Վաշինգտոնը:

«Լավագույն դերասանուհի» անվանակարգում առաջադրվել են Իզաբել Հուպերտը, Ռութ Նեգան, Նատալի Փորթմանը, Մերիլ Սթրիփը և Էմմա Սթոունը: