Չինաստանը միջմայրցամաքային հրթիռներ է տեղակայել Ռուսաստանի սահմանների մոտ

Չինաստանը սեփական արտադրության DF-41 միջմայրցամաքային բալիստիկ հրթիռներ է տեղակայել Ռուսաստանի հետ սահմանի մոտ՝ Հեյլունցզյան նահանգում. հայտնում է Газета.ру-ն` վկայակոչելով Global Times-ը:

 Հաղորդվում է, որ որոշ ժամանակ առաջ համացանցում հրապարակվել են նորագույն հրթիռային համալիրների լուսանկարները:

Նշվում է, որ լուսանկարների հրապարակումը կարող է կապված լինել ԱՄՆ նախագահ Դոնալդ Թրամփի երդման արարողության հետ. Պեկինը այդպես է արձագանքել «միասնական Չինաստան» քաղաքականության մասին Թրամփի սադրիչ հայտարարություններին:

«Չինաստանի միջուկային պոտենցիալն այնքան ուժեղ պետք է լինի, որ աշխարհում ոչ մի երկիր չհամարձակվի ռազմական բախման գնալ նրա հետ»,- գրում է պարբերականը: